Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

លោកងួន​ កុសល​មេ​គយ​ច្រក​ទ្វារ​អន្តរ​ជាតិ​ប៉ោយ​ប៉ែតកំពុង​សាងស្នាដៃ​ប្រ​ព្រឹត្ត​អំពើពុ​ករ​លួ​យ​តាមច្រើ​ន​រូប​ភាព

បន្ទាយមានជ័យ៖ ក្នុងតួនាទី​ជា​ប្រធានការិយាល័យ​គយ​ច្រក ទ្វារ​អន្តរជាតិ​ប៉ោយប៉ែតត្រឹម ​មួយរយៈ​ពេល​ខ្លី  គឺ​លោក ងួន  កុសល កំពុង​បង្ហាញ​ស្នាដៃ​ខាង ​ប្រព្រឹត្ត​អំពើពុករលួយ​តាម ច្រើន​រូបភាព​ដោយ​គ្មាន​ ញញើត​អ្វី​ទាំងអស់  ព្រោះ​អាង​ មាន​ខ្នងបង្អែក​រឹងមាំ​។ រឿងអាស្រូវ​របស់លោក  ងួន កុសល ត្រូវបាន​បើក​កកាយ ​ជា​បន្តបន្ទាប់។  ក៏ប៉ុន្តែ​ មេ​គយ​ធំៗ​ ក្នុង​ខេត្តបន្ទាយមានជ័យ ក៏ដូចជា​លោក គុណ ញឹម ដែលជា​អគ្គនាយក​នៃ​អគ្គនាយកដ្ឋាន​គយ​និង​រដ្ឋាករ​កម្ពុជា បែរជា​រក្សា​ភាព​ស្ងៀមស្ងាត់​ទៅវិញ​។ ដូច្នេះហើយ​ទើប​លោក ងួន កុសល ហ៊ាន​ប្រើ​តួនាទី​ជា​ប្រធានការិយាល័យ​គយ​ច្រកទ្វារ​អន្តរជាតិ​ប៉ោយប៉ែត ដើម្បី​សាង​ភាពល្បីល្បាញ​ខាង​ប្រព្រឹត្ត​អំពើពុករលួយ​យ៉ាង​ឆាប់រហ័ស​ដោយ​គ្មាន​ញញើត​អ្វី​ទាំងអស់​។ថ្មីៗ​នេះ​មន្ត្រី​នៅ​ច្រកទ្វារ​អន្តរជាតិ​ប៉ោយប៉ែត មួយចំនួន​បាន​បង្ហើប​ឲ្យ​ដឹងថា ក្រោយពេល​ទទួលបាន​តំណែង​ជា​ប្រធានការិយាល័យ​គយ​ច្រកទ្វារ​អន្តរជាតិ​ប៉ោយប៉ែត រួចមក​គឺ​លោក ងួន កុសល កំពុង​អនុវត្តន៍​តាម​មេរៀនពុករលួយ​របស់លោក ហ៊ុយ សុជាតិ អតីត​មេ​គយ​ច្រក​ប៉ោយប៉ែត យ៉ាង​ស្ទាត់ជំនាញ​។ មន្ត្រី​នៅ​ច្រក​ប៉ោយប៉ែត បាន​ឲ្យ​ដឹង​ទៀតថា​លោក ងួន កុសល បាន​ឃុបឃិត​ជាមួយ​សមត្ថកិច្ច​ពាក់ព័ន្ធ​ដទៃទៀត​បើកដៃ​ឲ្យ​ឈ្មួញ​ធំៗ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​យ៉ាង​រាលដាល​ដើម្បី​ជា​ថ្នូរ​នឹង​ផលប្រយោជន៍​។ ទន្ទឹមនឹងនេះ​លោក ងួន កុសល ព្រមទាំង​បក្ខពួក​បែរជា​គាបសង្កត់​ទៅលើ​ឈ្មួញ​និង​អាជីវករ​តូចតាច​ដែល​នាំចូល​ទំនិញ​តាម​រទេះ តាម​រថយន្ត​តូចៗ និង​តាម​រ៉ឺម៉ក​ដោយ​គ្មាន​ការយោគយល់​ឡើយ​។​ប្រភព​ដែល​ស្និទ្ធ​នឹង​លោក ងួន កុសល បាន​បង្ហើប​ឲ្យ​ដឹងថា ការដែល​លោក ងួន កុសល ហ៊ាន​ធ្វើ​អ្វីៗ​ស្រេច​តែ​អំពើ​ចិត្ត​របស់ខ្លួន គឺ​ដោយសារ​អាង​មាន​ខ្នងបង្អែក​រឹងមាំ​នៅក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា​។ ជាក់ស្ដែង​លោក ងួន កុសល តែង​ប្រើប្រាស់​ឈ្មោះ​មន្ត្រី​គយ​ធំៗ​ក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា ដើម្បី​ការពារ​ទង្វើ​របស់ខ្លួន​យ៉ាង​គឃ្លើន​តែម្តង។ ហើយ​មានការ​ឃុបឃិត​បើកដៃ​ពី​សំណាក់​មេ​គយ​ធំៗ​នៅក្នុង​ខេត្តបន្ទាយមានជ័យ ផងដែរ​ទើប​អ្វីៗ​អាច​ប្រព្រឹត្ត​ទៅដោយ​រលូន​។ ដូច្នេះហើយ​ទើប​មាន​សេចក្ដីអំពាវនាវ​ឲ្យ​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ពិនិត្យឡើងវិញ​ជាបន្ទាន់​និង​ចាត់វិធានការ​ទប់ស្កាត់​អំពើពុករលួយ​តាមច្រើន​រូបភាព​របស់​លោក ងួន កុសល ប្រធានការិយាល័យ​គយ​ច្រកទ្វារ​អន្តរជាតិ​ប៉ោយប៉ែត ខ្លះ​ផង​ដើម្បី​កុំ​ឲ្យ​មន្ត្រី​រូបនេះ​ធ្វើ​អ្វីៗ​តាម​អំពើ​ចិត្ត​ទៀត​។​បើតាម​សេចក្ដីរាយការណ៍​ពី​មន្ត្រី​នៅ​ច្រកទ្វារ​អន្តរជាតិ​ប៉ោយប៉ែត បាន​ឲ្យ​ដឹងថា ដោយសារ​អាង​មាន​ខ្នងបង្អែក​រឹងមាំ​ទើប​លោក ងួន កុសល ចាប់ផ្ដើម​ប្រព្រឹត្ត​អំពើពុករលួយ​យ៉ាង​ពេញបន្ទុក​ចាប់តាំងពី​អំឡុង​ចុងខែ​មករា ឆ្នាំ​២០១៩ រហូតមក​។ ដូច្នេះ​លោក គុណ ញឹម ដែលជា​អគ្គនាយក​នៃ​អគ្គនាយកដ្ឋាន​គយ​និង​រដ្ឋាករ​កម្ពុជា មិនគួរ​មើលរំលង​បញ្ហា​នេះ​ទេ ព្រោះ​លោក ងួន កុសល តែង​ប្រើប្រាស់​ឈ្មោះ​មេ​គយ​ធំៗ​ក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា ដើម្បី​ការពារ​ទង្វើ​របស់ខ្លួន​យ៉ាង​ងងើល​។ ទន្ទឹមនឹងនេះ​លោក ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ ក៏​គួរ​បើក​ការស៊ើបអង្កេត​ឲ្យ​បាន​ស៊ីជម្រៅ​ទៅលើ​រឿងអាស្រូវ​ពុករលួយ​របស់លោក ងួន កុសល មេ​គយ​ច្រក​ប៉ោយប៉ែត ដែល​កំពុង​ល្បីល្បាញ​យ៉ាងខ្លាំង​ក្លា​ផងដែរ​។បឋម

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts

© 2019 អំណាចខ្មែរ | Amnach Khmer. All rights reserved. XHTML / CSS Valid.