Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

លោក​ ម៉ា សំអាត​​ប្រធានសា​ខាពន្ធដារខេត្ត​ពោធិ៍សាត់និងប​ក្ខពួកនាំគ្នាប្រព្រឹត្ត​អំពើពុករ​លួ​យពេញទំ​ហឹង

ប្រភពពី​មន្ត្រីរាជការ​នៅក្នុង​អង្គភាព​សាខា​ពន្ធដារ​ខេត្តពោធិ៍សាត់ បាន​ឲ្យ​ដឹងថា លោក ម៉ា សំអាត ទទួលបាន​តំណែង​ជា​ប្រធាន​សាខា​ពន្ធដារ​ខេត្តពោធិ៍សាត់ កាលពី​ថ្ងៃទី​២៥ ខែធ្នូ ឆ្នាំ​២០១៧ ជំនួស​លោក ឡាយ វុត្ថា ដែល​ដល់​អាយុ​ចូលនិវត្តន៍​។ ប្រភព​បាន​ឲ្យ​ដឹង​ទៀតថា រយៈពេល​ជិត​២​ឆ្នាំ​កន្លងទៅនេះ​លោក ម៉ា សំអាត និង​បក្ខពួក​ឃុបឃិត​គ្នា​ប្រព្រឹត្ត​អំពើពុករលួយ​យ៉ាង​ពេញទំហឹង​ដោយ​គ្មាន​ញញើត​អ្វី​ទាំងអស់ ព្រោះ​អាង​មាន​ខ្នងបង្អែក​រឹងមាំ​នៅក្នុង​អគ្គនាយកដ្ឋាន​ពន្ធដារ នៃ​ក្រសួង​សេដ្ឋកិច្ច​និង​ហិរញ្ញវត្ថុ​។ ប្រជាពលរដ្ឋ​ក្នុង​ខេត្តពោធិ៍សាត់ មួយចំនួន​ក៏បាន​លើកឡើង​ដែរ​ថា ដី​ដែលមាន​ប្លង់​កម្មសិទ្ធិ​ហើយ​ត្រូវ​ចែក​ទៅ​ឲ្យ​កូន​ឬ​សាច់ញាតិ ដែល​ពួកគាត់​រត់ការ​តាំងពី​ឆ្នាំ​២០១៨ រហូតមកដល់​ពេលនេះ​មិនទាន់​ទទួលបាន​ឯកសារ​សម្រេច​នៅឡើយ​ទេ​។

រឿងអាស្រូវ​ពុករលួយ​របស់លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ ត្រូវបាន​លាតត្រដាង​ជា​បន្តបន្ទាប់ ជាពិសេស​ក្រោយពេល​អង្គភាព​ប្រឆាំង​អំពើពុករលួយ​ចាប់ខ្លួន​លោក លៀម សារឿន ប្រធាន​មន្ទីរ​រៀបចំ​ដែនដី​ខេត្តពោធិ៍សាត់ ព្រមទាំង​បក្ខពួក​២​នាក់​ទៀត​។ ដូច្នេះហើយ​ទើប​មាន​សេចក្ដីអំពាវនាវ​ឲ្យ​លោក គង់ វិបុល ដែលជា​អគ្គនាយក​នៃ​អគ្គនាយកដ្ឋាន​ពន្ធដារ ក្រសួង​សេដ្ឋកិច្ច​និង​ហិរញ្ញវត្ថុ ចាត់វិធានការ​ទប់ស្កាត់​អំពើពុករលួយ​ច្រើនបែប​ច្រើនយ៉ាង​របស់លោក ម៉ា សំអាត ជាបន្ទាន់​។ ដោយហេតុថា​លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ និង​បក្ខពួក​ឃុបឃិត​គ្នា​យ៉ាង​ពេញទំហឹង​ពាក់ព័ន្ធ​ទៅនឹង​ការផ្ទេរកម្មសិទ្ធិ​ដីធ្លី ក៏ដូចជា​ការបង់ពន្ធ​ដីធ្លី​អចលនទ្រព្យ​នៅក្នុង​ខេត្តពោធិ៍សាត់​។

​ ប្រភព​ដែល​ស្និទ្ធ​នឹង​លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ បាន​ឲ្យ​ដឹងថា កន្លងមក​អំពើពុករលួយ​រវាង​ប្រធាន​មន្ទីរ​រៀបចំ​ដែនដី​ខេត្តពោធិ៍សាត់ ជាមួយ​លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ មាន​ជាប់​ពាក់ព័ន្ធ​គ្នា​យ៉ាងជ្រៅ​។ ហេតុនេះ​ទន្ទឹម​ការឃាត់ខ្លួន​លោក លៀម ប៊ុន​រឿន ប្រធាន​មន្ទីរ​រៀបចំ​ដែនដី​ខេត្តពោធិ៍សាត់ និង​បក្ខពួក​២​នាក់ គឺ​លោក ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ គួរ​បើក​ការស៊ើបអង្កេត​ទៅលើ​រឿងអាស្រូវ​ពុករលួយ​របស់លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ ជាបន្ទាន់​ផងដែរ​។ ប្រភព​បាន​ឲ្យ​ដឹង​ទៀតថា កន្លងមក​ដោយ​អាង​មាន​ខ្នងបង្អែក​រឹងមាំ​នៅក្នុង​អគ្គនាយកដ្ឋាន​ពន្ធដារ​នៃ​ក្រសួង​សេដ្ឋកិច្ច​និង​ហិរញ្ញវត្ថុ គឺ​លោក ម៉ា សំអាត ព្រមទាំង​បក្ខពួក​កំណត់​ឲ្យ​ពលរដ្ឋ​បង់ពន្ធ​លើ​ការផ្ទេរកម្មសិទ្ធិ​ដីធ្លី​អចលនទ្រព្យ​ស្រេច​តែ​អំពើ​ចិត្ត​។ ឥឡូវនេះ​លោក លៀម ប៊ុន​រឿន ប្រធាន​មន្ទីរ​រៀបចំ​ដែនដី​ខេត្តពោធិ៍សាត់ និង​បក្ខពួក​២​នាក់​ត្រូវបាន​អង្គភាព​ប្រឆាំង​អំពើពុករលួយ ចាប់ខ្លួន​ចាត់វិធានការ​តាមច្បាប់ ប៉ុន្តែ​លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ និង​បក្ខពួក​បែរជា​អាច​គេច​ផុតពី​សំណាញ់​ច្បាប់។(មានត)

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts

© 2019 អំណាចខ្មែរ | Amnach Khmer. All rights reserved. XHTML / CSS Valid.