Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

អ្នកមាន​អំណាចទន្ទ្រាន​កាន់កាប់​ដីព្រៃកោង​កាងលិចទឹ​កសង្កាត់​ស្មាច់មាន​ជ័យលោក​ ម៉ន ផល្លា​ ប្រធាន​មន្ទីរបរិ​ស្ថានខេត្តកោះកុងនិង​លោកស្រី​ មិថុ​នា ភូថងអភិបាលខេត្តរក្សា​ភាពស្ងៀ​មស្ងា​ត់

សេចក្ដីរាយការណ៍​ពី​ប្រជាពលរដ្ឋ​ក្នុង​សង្កាត់​ស្មាច់មានជ័យ បាន​ឲ្យ​ដឹងថា ព្រៃកោងកាង​លិច​ទឹក​នៅក្នុង​តំបន់​ដែនជម្រកសត្វព្រៃ​តា​តៃ ត្រូវ​អ្នកមានអំណាច​ធ្វើ​សកម្មភាព​ទន្ទ្រាន​កាន់កាប់​ច្រើន​ខែ​មកហើយ ដោយ​មិនទាន់​ឃើញ​មាន​មន្ត្រី​អាជ្ញាធរ​ថ្នាក់​សង្កាត់ ថ្នាក់ក្រុង និង​ថ្នាក់​ខេត្ត ចាត់វិធានការ​ទប់ស្កាត់​នៅឡើយ​ទេ បើទោះបី​មាន​សេចក្ដីរាយការណ៍​ពី​ប្រជាពលរដ្ឋ​យ៉ាងណាក៏ដោយ​។ ប្រជាពលរដ្ឋ​បាន​ឲ្យ​ដឹង​ទៀតថា ទាំង​មន្ត្រី​បរិស្ថាន​ក្នុង​ក្រុង​ខេមរភូមិន្ទ ក៏ដូចជា​លោក ម៉ន ផល្លា ប្រធាន​មន្ទីរ​បរិស្ថាន​ខេត្តកោះកុង និង​លោកស្រី មិថុនា ភូ​ថង អភិបាលខេត្ត​កោះកុង សុទ្ធតែ​រក្សា​ភាព​ស្ងៀមស្ងាត់​ក្នុងខណៈដែល​ប្រជាពលរដ្ឋ​មិន​ហ៊ាន​បញ្ចេញ​ឈ្មោះ​អ្នកមានអំណាច​ទាំង​២​នាក់​ដែល​ធ្វើ​សកម្មភាព​ទន្ទ្រាន​កាន់កាប់​ដី​ព្រៃកោងកាង​លិច​ទឹក​ប្រមាណ​៨​ហិកតា​រួចទៅហើយ​។ ប្រជាពលរដ្ឋ​ក្នុង​សង្កាត់​ស្មាច់មានជ័យ បាន​ឲ្យ​ដឹង​ទៀតថា ក្នុងខណៈ​ដីធ្លី​ក្នុង​ក្រុង​ខេមរភូមិន្ទ ឡើងថ្លៃ​ខ្លាំង​ស្រាប់តែ​បទល្មើស​ទន្ទ្រាន​កាន់កាប់​ដី​ព្រៃកោងកាង​លិច​ទឹក​នៅក្នុង​តំបន់​ដែនជម្រកសត្វព្រៃ​តា​តៃ ភាគ​ខាងជើង​ក្រុង​ខេមរភូមិន្ទ ត្រូវបាន​អ្នកមាន​លុយ អ្នកមានអំណាច ទន្ទ្រាន​កាន់កាប់​យ៉ាង​គឃ្លើន​គ្មាន​ញញើត​អ្វី​ទាំងអស់​

ប្រជាពលរដ្ឋ​រស់នៅក្នុង​ភូមិ​ស្មាច់មានជ័យ សង្កាត់​ស្មាច់មានជ័យ ក្រុង​ខេមរភូមិន្ទ ខេត្តកោះកុង បាន​អំពាវនាវ​ឲ្យ​លោក សាយ សំ​អាល់ រដ្ឋមន្ត្រី​ក្រសួងបរិស្ថាន ចាត់វិធានការ​ទប់ស្កាត់​ករណី​អ្នកមានអំណាច​២​នាក់​ទន្ទ្រាន​កាន់កាប់​ដី​ព្រៃកោងកាង​លិច​ទឹក​ក្នុង​មូលដ្ឋាន​ពួកគាត់ ជាបន្ទាន់​។ តាម​ប្រភពពី​ប្រជាពលរដ្ឋ​បាន​ឲ្យ​ដឹងថា ដី​ព្រៃកោងកាង​លិច​ទឹក​ក្នុង​តំបន់​អភិរក្ស​ការពារ​ដោយ​អនុក្រឹត្យ​លេខ​៨០ ប្រមាណ​ជិត​៨​ហិកតា​ត្រូវបាន​អ្នកមានអំណាច​២​នាក់​ទន្ទ្រាន​កាន់កាប់​ជា​បន្តបន្ទាប់ ហើយ​មន្ត្រី​អាជ្ញាធរ​សង្កាត់​ស្មាច់មានជ័យ និង​មន្ត្រី​អាជ្ញាធរ​ក្រុង​ខេមរភូមិន្ទ ព្រមទាំង​លោកស្រី មិថុនា ភូ​ថង អភិបាលខេត្ត​កោះកុង មិន​ចាត់វិធានការ​ទប់ស្កាត់​នៅឡើយ​ទេ​។ ដូច្នេះហើយ​ទើប​អ្នកមានអំណាច​ទាំង​២​នាក់​នោះ​ហ៊ាន​ប្រើ​គ្រឿងចក្រ​ឈូសឆាយដី​និង​ដឹក​ដី​ចាក់​បំពេញ​ព្រៃកោងកាង​លិច​ទឹក ក្នុង​តំបន់​ការពារ​ប្រមាណ​ជិត​៨​ហិកតា​យក​ធ្វើជា​កម្មសិទ្ធិ​ផ្ទាល់ខ្លួន​យ៉ាង​រលូន​។

​តាម​ប្រភពពី​ប្រជាពលរដ្ឋនៅក្នុង​សង្កាត់​ស្មាច់មានជ័យ បាន​ឲ្យ​ដឹងថា ប្រសិនបើ​គ្មាន​ការឃុបឃិត​ជា​ប្រព័ន្ធ​ទេនោះ គឺ​គ្មាន​នរណា​អាចធ្វើ​សកម្មភាព​ទន្ទ្រាន​កាន់កាប់​ដី​ព្រៃកោងកាង​លិច​ទឹក​ក្នុង​តំបន់​ការពារ​ដែនជម្រកសត្វព្រៃ​តា​តៃ ភាគ​ខាងជើង​ក្រុង​ខេមរភូមិន្ទ បានឡើយ​។ ទាល់តែ​មានការ​ឃុបឃិត​បើកដៃ​ពី​សំណាក់​មន្ត្រី​អាជ្ញាធរ​សង្កាត់​ស្មាច់មានជ័យ និង​អភិបាលក្រុង​ខេមរភូមិន្ទ ព្រមទាំង​លោក ម៉ន ផល្លា ប្រធាន​មន្ទីរ​បរិស្ថាន​ខេត្តកោះកុង ផងដែរ ទើប​អ្នកមានអំណាច​អាច​ទន្ទ្រាន​កាន់កាប់​ដី​ព្រៃកោងកាង​លិច​ទឹក​យ៉ាង​រលូន​។ ប្រជាពលរដ្ឋ​បាន​លើកឡើងថា ប្រសិនបើ​ថ្នាក់ដឹកនាំ​ក្រសួងបរិស្ថាន មិន​ចាត់វិធានការ​ទប់ស្កាត់​ឲ្យ​បាន​ទាន់ពេលវេលា​ទេនោះ គឺ​ដី​ព្រៃកោងកាង​លិច​ទឹក​ក្នុង​តំបន់​ការពារ​ដែល​អនុក្រឹត្យ​លេខ​៨០ ត្រូវ​អ្នកមានអំណាច អ្នកមាន​លុយ ទន្ទ្រាន​កាន់កាប់​កាន់តែខ្លាំង​ក្លា​ជាង​មុន​ទៅទៀត​។បឋម

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts

© 2019 អំណាចខ្មែរ | Amnach Khmer. All rights reserved. XHTML / CSS Valid.