Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

លោក​ អ៊ុំ រាត្រី ​អភិបាលខេត្តបន្ទាយ​មានជ័យនិងលោ​ក អាត់ ខែមស្នងការនគ​របាលខេ​ត្តប​ណ្តោយឲ្យ​លោក សូ ចា​ន់ណារីធ្វើ​អ្វីៗ​តាមអំ​ពើចិ​ត្ត

ប្រភពពី​មន្ត្រីនគរបាល​នៅក្នុង​អង្គភាព​វរ​ការពារ​ព្រំដែន​គោក​លេខ​៩១១ មួយចំនួន​បាន​ឲ្យ​ដឹងថា រហូតមកដល់​ពេលនេះ​លោក សូ ចាន់ណា​រី មេបញ្ជាការ​នគរបាល​វរ​ការពារ​ព្រំដែន​គោក​លេខ​៩១១ នៅតែ​យក​រថយន្ត​និង​គ្រឿងចក្រ​កងវិស្វកម្ម​ទៅ​ជីករណ្ដៅ​ដី​កាយ​អាចម៍ដី ហើយ​ដឹកជញ្ជូន​អាចម៍ដី​លក់​ពេញ​ក្រុង​ប៉ោយប៉ែត ប្រមូល​លុយ​បាន​យ៉ាងច្រើន​សន្ធឹកសន្ធាប់​។ សកម្មភាព​របស់លោក សូ ចាន់ណា​រី ត្រូវបាន​លោក​ឧ​ត្ត​ម​សេនីយ៍​ទោ អាត់ ខែម ស្នងការ​នគរបាល​ខេត្តបន្ទាយមានជ័យ ក៏ដូចជា​លោក អ៊ុំ រាត្រី អភិបាលខេត្ត​បន្ទាយមានជ័យ ដឹង​យ៉ាងច្បាស់​ព្រោះ​សកម្មភាព​ដឹកជញ្ជូន​អាចម៍ដី​ធ្វើ​អាជីវកម្ម​នោះ​បណ្ដាល​ឲ្យ​ប៉ះពាល់​ដល់​ការរស់នៅ​របស់​ប្រជាពលរដ្ឋ​កាន់តែខ្លាំង​ឡើងៗ​។ ប៉ុន្តែ​ទាំង​លោក អាត់ ខែម និង​លោក អ៊ុំ រាត្រី បាន​រក្សា​ភាព​ស្ងៀមស្ងាត់ ហើយ​បណ្ដោយ​ឲ្យ​លោក សូ ចាន់ណា​រី មេបញ្ជាការ​នគរបាល​វរ​ការពារ​ព្រំដែន​គោក​លេខ​៩១១ ធ្វើ​អ្វីៗ​តាម​អំពើ​ចិត្ត​មិន​ខ្វល់​ពី​ការរិះគន់​ជុំ​ទិស​ទាល់តែសោះ​។

ប្រភពពី​មន្ត្រីនគរបាល​ក្នុង​ស្នងការដ្ឋាន​នគរបាល​ខេត្តបន្ទាយមានជ័យ មួយចំនួន​បាន​បង្ហើប​ឲ្យ​ដឹងថា ការដែល​លោក សូ ចាន់ណា​រី មេបញ្ជាការ​នគរបាល​វរ​ការពារ​ព្រំដែន​គោក​លេខ​៩១១ ហ៊ាន​ធ្វើ​អ្វីៗ​តាម​អំពើ​ចិត្ត គឺមាន​ការឃុបឃិត​បើកដៃ​ពី​សំណាក់​លោក​ឧ​ត្ត​ម​សេនីយ៍​ទោ អាត់ ខែម ស្នងការ​នគរបាល​ខេត្តបន្ទាយមានជ័យ ផងដែរ​ទើប​អ្វីៗ​អាច​ប្រព្រឹត្ត​ទៅដោយ​រលូន​។ ជាក់ស្ដែង​ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក អាត់ ខែម ទេនោះ​គឺ​លោក សូ ចាន់ណា​រី មិន​ហ៊ាន​យក​រថយន្ត​និង​គ្រឿងចក្រ​របស់​អង្គភាព​ទៅ​ជីករណ្ដៅ​ដី​ធ្វើ​អាជីវកម្ម​យ៉ាង​ពេញបន្ទុក​ដូច​សព្វថ្ងៃ​នេះឡើយ​។ ឥឡូវនេះ​ទង្វើ​មិន​ប្រក្រតី​របស់លោក សូ ចាន់ណា​រី មេបញ្ជាការ​នគរបាល​វរ​ការពារ​ព្រំដែន​គោក​លេខ​៩១១ ត្រូវបាន​លាតត្រដាង​ជា​បន្តបន្ទាប់ ដូច្នេះ​ថ្នាក់ដឹកនាំ​ក្រសួងមហាផ្ទៃ ក៏ដូចជា​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ មិនគួរ​មើលរំលង​តទៅទៀត​ទេ ព្រោះ​អាចធ្វើ​ឲ្យ​ប៉ះពាល់​ដល់​កេរ្តិ៍ឈ្មោះ​ស្ថាប័ន​នគរបាលជាតិ​ទាំងមូល​។

​ប្រភពពី​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ក្នុង​ក្រុង​ប៉ោយប៉ែត បាន​ឲ្យ​ដឹងថា នៅ​ច្រករបៀង​ដែល​គ្រប់គ្រង​ដោយ​អង្គភាព​នគរបាល​វរ​ការពារ​ព្រំដែន​គោក​លេខ​៩១១ ក៏មាន​ករណី​ឃុបឃិត​ឲ្យ​ឈ្មួញ​នាំចូល​ទំនិញគេចពន្ធ និង​ទំនិញ​ខុសច្បាប់​យ៉ាង​ពេញបន្ទុក​ផងដែរ​។ ប្រភព​ដែល​ស្និទ្ធ​នឹង​លោក សូ ចាន់ណា​រី បាន​ឲ្យ​ដឹងថា ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក អាត់ ខែម ស្នងការ​នគរបាល​ខេត្តបន្ទាយមានជ័យ ទេនោះ​គឺ​លោក សូ ចាន់ណា​រី មិន​ហ៊ាន​ធ្វើ​អ្វីៗ​តាម​អំពើ​ចិត្ត​ដូច​សព្វថ្ងៃ​នោះទេ​។ ឥឡូវនេះ​រថយន្ត​និង​គ្រឿងចក្រ​ពាក់​ស្លាក ហ​.​ស ជាច្រើន​គ្រឿង​នៅតែ​ត្រូវបាន​ប្រើប្រាស់​សម្រាប់ធ្វើ​អាជីវកម្ម​រណ្ដៅ​ដី​យ៉ាង​សុខ​ស្រួល ព្រោះ​គ្មាន​មន្ត្រី​ជំនាញ មន្ត្រី​អាជ្ញាធរ និង​សមត្ថកិច្ច​ពាក់ព័ន្ធ​ចាត់វិធានការ​ទប់ស្កាត់​នៅឡើយ​។ ដូច្នេះហើយ​ទើប​មាន​សេចក្ដីអំពាវនាវ​ឲ្យ​យ៉ាងទទូច ឲ្យ​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ ចាត់វិធានការ​ទប់ស្កាត់​ទង្វើ​មិន​ប្រក្រតី​របស់លោក សូ ចាន់ណា​រី ខ្លះ​ផង​ព្រោះ​លោក អាត់ ខែម ស្នងការ​នគរបាល​ខេត្តបន្ទាយមានជ័យ កំពុង​សម្ងំស្ងៀម​។(មានត)

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts

© 2019 អំណាចខ្មែរ | Amnach Khmer. All rights reserved. XHTML / CSS Valid.