Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

លោក ម៉ា​ សំអាតប្រធានសា​ខាពន្ធដារ​ខេត្តពោធិ៍សា​ត់ប្រព្រឹត្តអំពើពុ​ករលួយយ៉ា​ងពេញប​ន្ទុក

ប្រភពពី​មន្ត្រីរាជការ​នៅក្នុង​អង្គភាព​សាខា​ពន្ធដារ​ខេត្តពោធិ៍សាត់ បាន​ឲ្យ​ដឹងថា ការដែល​លោក ម៉ា សំអាត ហ៊ាន​ប្រើ​តួនាទី​និង​អំណាច​របស់ខ្លួន​ប្រព្រឹត្ត​អំពើពុករលួយ​យ៉ាង​ពេញបន្ទុក គឺ​ដោយសារ​អាង​មាន​ខ្នងបង្អែក​រឹងមាំ​នៅក្នុង​អគ្គនាយកដ្ឋាន​ពន្ធដារ​នៃ​ក្រសួង​សេដ្ឋកិច្ច និង​ហិរញ្ញវត្ថុ​។ ទន្ទឹមនឹងនេះ​អំពើពុករលួយ​របស់លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ ក៏មាន​ជាប់​ពាក់ព័ន្ធ​ជាមួយ​លោក លៀម ប៊ុន​រឿន ប្រធាន​មន្ទីរ​រៀបចំ​ដែនដី​ខេត្តពោធិ៍សាត់ ព្រមទាំង​បក្ខពួក​ផងដែរ ទើប​អ្វីៗ​អាច​ប្រព្រឹត្តទៅ​យ៉ាង​សុខ​ស្រួល​។ ឥឡូវនេះ​លោក លៀម ប៊ុន​រឿន ប្រធាន​មន្ទីរ​រៀបចំ​ដែនដី​ខេត្តពោធិ៍សាត់ និង​បក្ខពួក​២​នាក់​ត្រូវបាន​អង្គភាព​ប្រឆាំង​អំពើពុករលួយ​ដែលមាន​លោក ឱម យ៉ិនទៀង ជា​ប្រធាន ចាប់ខ្លួន​និង​ចាត់វិធានការ​តាមផ្លូវ​ច្បាប់ ប៉ុន្តែ​លោក ម៉ា សំអាត បែរជា​អាច​គេច​ផុតពី​ចំណាត់ការ​របស់​អង្គភាព​ប្រឆាំង​អំពើពុករលួយ ​។

ទោះបី​បណ្ដាញ​ព័​ត៌​មា​នានា​បាន​ចុះផ្សាយ​ជា​បន្តបន្ទាប់​ជុំវិញ​រឿងអាស្រូវ​ពុករលួយ​របស់លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ យ៉ាងណាក៏ដោយ ក៏​លោក គង់ វិបុល អគ្គនាយក​នៃ​អគ្គនាយកដ្ឋាន​ពន្ធដារ នៅ​សម្ងំស្ងៀម​ធ្វើ​មិនដឹងមិនឮ​អ្វី​ទាំងអស់​។ ហេតុនេះហើយ​ទើប​លោក ម៉ា សំអាត កាន់តែ​បានចិត្ត ហើយ​បង្កើន​សកម្មភាព​ប្រព្រឹត្ត​អំពើពុករលួយ​តាមច្រើន​រូបភាព ជាពិសេស​ទាក់ទង​ទៅនឹង​ការបង់ពន្ធ​ដីធ្លី អចលនទ្រព្យ យ៉ាង​ងងើល​តែម្តង​។ ដូច្នេះហើយ​ទើប​មាន​សេចក្ដីអំពាវនាវ​ឲ្យ​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ចាត់វិធានការ​ទ​ប​ស្កាត់​អំពើពុករលួយ​របស់លោក ម៉ា សំអាត ប្រធាន​សាខា​ពន្ធដារ​ខេត្តពោធិ៍សាត់ ជាបន្ទាន់ ព្រោះ​រឿងអាស្រូវ​ពុករលួយ​និង​ទង្វើ​មិន​ប្រក្រតី​របស់លោក ម៉ា សំអាត ជា​រឿង​មិនអាច​បិទបាំង​បាន​នោះទេ​។

​បើតាម​ការ​បង្ហើប​ពី​មន្ត្រី​នៅក្នុង​អង្គភាព​សាខា​ពន្ធដារ​ខេត្តពោធិ៍សាត់ បាន​ឲ្យ​ដឹងថា កន្លងមក​លោក ម៉ា សំអាត និង​បក្ខពួក​ប្រព្រឹត្ត​អំពើពុករលួយ​យ៉ាង​ពេញបន្ទុក តាមរយៈ​ការ​គាប​យកលុយ​ពី​ប្រជាពលរដ្ឋ​ដែល​ទៅ​បង់ពន្ធ​ដីធ្លី​អចលនទ្រព្យ ឬ​ការផ្ទេរកម្មសិទ្ធិ​ដីធ្លី​ជាដើម​។ អំពើពុករលួយ​ច្រើនបែប​ច្រើនយ៉ាង​របស់លោក ម៉ា សំអាត មាន​ជាប់​ពាក់ព័ន្ធ​យ៉ាងជ្រៅ​ជាមួយ​លោក លៀម ប៊ុន​រឿន ដែលជា​ប្រធាន​មន្ទីរ​រៀបចំ​ដែនដី​ខេត្តពោធិ៍សាត់ ហេតុនេះហើយ​ទើប​មានការ​អំពាវនាវ​ឲ្យ​លោក ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ បើក​ការស៊ើបអង្កេត​ទៅលើ​រឿងអាស្រូវ​ពុករលួយ​របស់លោក ម៉ា សំអាត ផងដែរ ព្រោះ​មន្ត្រី​រូបនេះ​ល្បីល្បាញ​ខាង​ពុករលួយ​ប្រមាណ​ជិត​២​ឆ្នាំ​មកហើយ​។ មន្ត្រី​នៅក្នុង​អង្គភាព​សាខា​ពន្ធដារ​ខេត្តពោធិ៍សាត់ បាន​លើកឡើងថា ចាប់តាំងពី​លោក ម៉ា សំអាត ទទួលបាន​តំណែង​ជា​ប្រធាន​សាខា​ពន្ធដារ​ខេត្តពោធិ៍សាត់ កាលពី​ថ្ងៃទី​២៥ ខែធ្នូ ឆ្នាំ​២០១៧ រហូតមកដល់​ពេលនេះ គឺ​លោក ម៉ា សំអាត ពង្រឹង​បណ្ដាញ​ពុករលួយ​យ៉ាង​ពេញបន្ទុក។(មានត)

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts

© 2019 អំណាចខ្មែរ | Amnach Khmer. All rights reserved. XHTML / CSS Valid.