Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

មេឈ្មួញ​​ ជឹម សុខមិនអនុវត្តន៍តា​មអាជ្ញាប័ណ្ណរប​ស់ក្រសួងកសិក​ម្មអាងខ្ន​ងបង្អែករឹង​មាំ​នៅក្នុង​ខេត្តព្រៃ​វែង?

ប្រភព​ពី​សមត្ថកិច្ច​ពាក់ព័ន្ធ​ក្នុង​ខេត្តព្រៃវែង បាន​ឲ្យ​ដឹងថា ក្រុមហ៊ុន​អង្គ​រសុខ​សារិទ្ធ​មានជ័យ ទទួលបាន​អាជ្ញាប័ណ្ណ​ពី​ក្រសួងកសិកម្ម ដើម្បី​នាំចេញ​គោក្របី​ទៅ​ស្រុក​យួន​ក្នុង​មួយ​ឆមាស​(៦​ខែ​) ចំនួន​៥០០០​ក្បាល​គឺ​ក្នុង​មួយថ្ងៃ​មេ​ឈ្មួញ ជឹម សុខ អាច​នាំគោ​ក្របី​ចេញទៅ​ស្រុក​យួន​៣០​ក្បាល​ប៉ុណ្ណោះ​។ ប៉ុន្តែ​ជាក់ស្ដែង​មេ​ឈ្មួញ ជឹម សុខ ដឹកជញ្ជូន​គោក្របី​ចេញទៅ​ស្រុក​យួន​ក្នុង​មួយថ្ងៃៗ​រាប់សិប​រថយន្ត​ធុន​ធំ ហើយ​ក្នុង​មួយ​រថយន្ត​មិនតិចជាង​៣០​ក្បាល​នោះទេ គឺ​មេ​ឈ្មួញ ជឹម សុខ បំពាន​លើ​អាជ្ញាប័ណ្ណ​របស់​ក្រសួងកសិកម្ម​ ​។ មាន​ថ្ងៃ​ខ្លះ​មេ​ឈ្មួញ ជឹម សុខ ដឹកជញ្ជូន​គោក្របី​ចេញទៅ​ស្រុក​យួន​មិន​ក្រោម​៥០០​ក្បាល​ឡើយ​នៅ​ច្រកស្វាយ​អា​ង៉ោង ឃុំ​ចាម ស្រុក​កំពង់ត្របែក ខេត្តព្រៃវែង​។

ប្រភពពី​សមត្ថកិច្ច​នៅ​ច្រកស្វាយ​អ​ង្គោ​ង បាន​បង្ហើប​ឲ្យ​ដឹងថា មេ​ឈ្មួញ ជឹម សុខ ដឹកជញ្ជូន​គោក្របី​ចេញទៅ​ស្រុក​យួន​ដោយ​មិន​អនុវត្តន៍​ទៅតាម​អាជ្ញាប័ណ្ណ​របស់​ក្រសួងកសិកម្ម​ឡើយ ហើយ​ចំនួន​គោក្របី​ដឹកជញ្ជូន​ចេញ​ច្រើនជាង​តួលេខ​ក្នុង​អាជ្ញាប័ណ្ណ​ជាង​១០​ដង​ឯណោះ​។ បើតាម​ប្រភពពី​មន្ត្រីរាជការ​ក្នុង​មន្ទីរ​កសិកម្ម​ខេត្តព្រៃវែង បាន​ឲ្យ​ដឹងថា ការដែល​មេ​ឈ្មួញ ជឹម សុខ ហ៊ាន​ធ្វើ​អ្វីៗ​តាម​អំពើ​ចិត្ត​របស់ខ្លួន គឺ​ដោយសារ​មានការ​ឃុបឃិត​បើកដៃ​ពី​សំណាក់​លោក ចិន វិសាល មេ​ពេទ្យសត្វ​ខេត្តព្រៃវែង ព្រមទាំង​ប្រធាន​មន្ទីរ​កសិកម្ម​ខេត្តព្រៃវែង​។ សេចក្ដីរាយការណ៍​ពី​ប្រជាពលរដ្ឋ​នៅ​ឃុំ​ចាម ស្រុក​កំពង់ត្របែក បាន​ឲ្យ​ដឹងថា ឈ្ម​ញ​យួន​បាន​យក​រថយន្ត​ធំៗ​ចូលមក​ដឹកជញ្ជូន​គោក្របី​ដល់​ក្នុង​ទឹកដី​ខ្មែរ ព្រោះ​មានការ​ឃុបឃិត​បើកដៃ​ពី​សំណាក់​សមត្ថកិច្ច​នៅ​ច្រកស្វាយ​អា​ង៉ោង ដែល​គិតតែ​ពី​រឿង​ប្រមូល​លុយ​ដាក់​ហោប៉ៅ​ចែកគ្នា​ធ្វើ​មាន​ធ្វើបាន​ផ្ទាល់ខ្លួន​យ៉ាង​សុខ​ស្រួល​។ ហេតុនេះ​លោក វេ​ង សាខុន រដ្ឋមន្ត្រី​ក្រសួងកសិកម្ម មិនគួរ​បណ្ដែតបណ្ដោយ​តទៅទៀត​ទេ ព្រោះ​មេ​ឈ្មួញ ជឹម សុខ មិន​អនុវត្តន៍​តាម​អាជ្ញាប័ណ្ណ​របស់​ក្រសួងកសិកម្ម​ឡើយ ហើយ​កំពុង​ធ្វើ​អ្វីៗ​ស្រេច​តែ​អំពើ​ចិត្ត​ដោយសារ​អាង​មាន​ខ្នងបង្អែក​រឹងមាំ​នៅក្នុង​ខេត្តព្រៃវែង​

 បើតាម​ប្រភព​ខ្លះ​បាន​ឲ្យ​ដឹងថា ការដែល​មេ​ឈ្មួញ ជឹម សុខ និង​មេ​ពេទ្យសត្វ​ខេត្តព្រៃវែង ហ៊ាន​ឃុបឃិត​ឲ្យ​ឈ្មួញ​យួន​ចូលមក​ដឹកជញ្ជូន​គោក្របី​ពី​ទឹកដី​ខ្មែរ​យ៉ាង​គឃ្លើន គឺ​ដោយសារ​មានការ​សម្របសម្រួល​ពី​សំណាក់​មន្ត្រី​ធំៗ​ក្នុង​ខេត្តព្រៃវែង ផងដែរ​។ ជាក់ស្ដែង​លោក ជា សុ​មេធី អភិបាលខេត្ត​ព្រៃវែង និង​ប្រធាន​មន្ទីរ​កសិកម្ម​ខេត្តព្រៃវែង នៅតែ​បណ្ដោយ​ឲ្យ​មេ​ឈ្មួញ ជឹម សុខ និង​មេ​ពេទ្យសត្វ​ខេត្តព្រៃវែង ធ្វើ​អ្វីៗ​ស្រេច​តែ​អំពើ​ចិត្ត​មិន​ខ្វល់​ពី​ការរិះគន់​អ្វី​ទាំងអស់​។ ប្រការ​នេះហើយ​ទើប​មេ​ឈ្មួញ ជឹម សុខ ហ៊ាន​ប្រព្រឹត្ត​ខុសពី​អាជ្ញា​របស់​ក្រសួងកសិកម្ម យ៉ាង​គឃ្លើន​ដោយ​នាំគោ​ក្របី​ចេញទៅ​ស្រុក​យួន​លើស​ចំនួន​កំណត់ ហើយ​ថែមទាំង​ហ៊ាន​ឃុបឃិត​ឈ្មួញ​យួន​ចូលមក​ដឹកជញ្ជូន​គោក្របី​ពី​ទឹកដី​ខ្មែរ​យ៉ាង​អនាធិបតេយ្យ​។​

​ប្រភពពី​សមត្ថកិច្ច​ពា​ក់​ព័ន្ធ​នៅក្នុង​ខេត្តព្រៃវែង បាន​ឲ្យ​ដឹងថា ក្រុមហ៊ុន​អង្គ​រសុខ​សារិទ្ធ​មានជ័យ របស់​ឧកញ៉ា ជឹម សុខ ដែល​ក្រសួងកសិកម្ម ចេញ​អាជ្ញាប័ណ្ណ​ឲ្យ​នាំគោ​ក្របី​ចេញទៅ​ស្រុក​យួន​នោះ កំពុង​ប្រព្រឹត្ត​ទង្វើ​មិន​ប្រក្រតី​មួយចំនួន​យ៉ាង​គឃ្លើន​។ បញ្ហា​នេះ​គឺជា​រឿង​ដែល​លោក វេ​ង សាខុន រដ្ឋមន្ត្រី​ក្រសួងកសិកម្ម ព្រមទាំង​ប្រធាន​នាយកដ្ឋាន​ពាក់ព័ន្ធ​ក្នុង​ក្រសួងកសិកម្ម មិនគួរ​បណ្ដែតបណ្ដោយ​ឲ្យ​មេ​ឈ្មួញ ជឹម សុខ ធ្វើ​អ្វីៗ​តាម​អំពើ​ចិត្ត​របស់ខ្លួន​តទៅទៀត​ទេ​។ ប្រភព​ដែល​ស្និទ្ធ​នឹង​មេ​ឈ្មួញ ជឹម សុខ បាន​ឲ្យ​ដឹងថា ឥឡូវនេះ​មេ​ឈ្មួញ ជឹម សុខ បាន​ឃុបឃិត​ឲ្យ​ឈ្មួ្ជ​ញ​ជនជាតិ​យួន​យក​រថយន្ត​ធំៗ​មក​ដឹកជញ្ជូន​គោក្របី ដល់​ស្រុក​ខ្មែរ​តែម្តង ព្រោះ​មានការ​ឃុបឃិត​ពី​មេ​ពេទ្យសត្វ​ខេត្តព្រៃវែង លោក ចិន វិសាល ដែល​ល្បីល្បាញ​ខាង​ប្រព្រឹត្ត​អំពើពុករលួយ​ជា​យូរ​មកហើយ​។​(មានត)

 

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts

© 2019 អំណាចខ្មែរ | Amnach Khmer. All rights reserved. XHTML / CSS Valid.