Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

មេឈ្មួញ​ដុះស្លែរ ​ភឺន ផល្លាទន្ទ្រាន​កាន់កាប់ដី​ព្រៃលិចទឹកធ្វើជាកម្មសិទ្ទិ​គីមានការ​ឃុ​បឃិតជា​ប្រព័ន្ធលោក ​ម៉ៅ ភិរុណ​អភិ​បាលខេត្តកណ្ដា​លរក្សាភាព​ស្ងៀម​ស្ងាត់

សេចក្ដីរាយការណ៍​ពី​ប្រជាពលរដ្ឋ​ក្នុងស្រុក​លើកដែក និង​ស្រុក​ស្អាង បាន​ឲ្យ​ដឹងថា កាលពី​ថ្ងៃទី​១៩ ខែសីហា កន្លងទៅ​មន្ត្រី​អាជ្ញាធរ​និង​មន្ត្រី​ជំនាញ​មកពី​ស្រុក​លើកដែក ស្រុក​ស្អាង និង​ស្រុក​កោះធំ បាន​ចុះ​វាស់វែង​ដីព្រៃ​លិច​ទឹក​បឹង​ធម្មជាតិ​ឲ្យ​ទៅ​ក្រុមហ៊ុន​របស់​មេ​ឈ្មួញ ភឺន ផល្លា ដែលជា​ឧ​ត្ត​ម​សេនីយ៍​យោធា​និង​មាន​ងារ​ជា​ឧកញ៉ា ល្បីល្បាញ​ខាង​ទន្ទ្រាន​កាន់កាប់​ដីព្រៃ​របស់​រដ្ឋ​និង​ដីព្រៃ​លិច​ទឹកជា​ច្រើន​កន្លែង​ក្នុង​ខេត្ត​ព្រះសីហនុ និង​ខេត្តកណ្ដាល​។ ក៏ប៉ុន្តែ​គម្រោង​នៃ​ការវាស់វែង​ដី​បឹង​ធម្មជាតិ​ក្នុងស្រុក​កៀនស្វាយ ស្រុក​លើកដែក និង​ស្រុក​ស្អាង ឲ្យ​ទៅ​មេ​ឈ្មួញ ភឺន ផល្លា ត្រូវ​ខកខាន​ដោយសារ​មានការ​រារាំង​ពី​ប្រជាពលរដ្ឋ​យ៉ាងខ្លាំង​ក្លា​។ ក្នុងការ​ប្រឈមមុខ​ដា​ក់​គ្នា​នោះបាន​ធ្វើ​ឲ្យ​ប្រជាពលរដ្ឋ​រងរបួស​ត្រូវ​បញ្ជូនទៅ​សង្គ្រោះ​នៅ​មន្ទីរពេទ្យ ព្រោះ​ប្រជាពលរដ្ឋ​ប្រមូល​ផ្ដុំគ្នា​រារាំង​មិន​ឲ្យ​មន្ត្រី​អាជ្ញាធរ​និង​មន្ត្រី​ជំនាញ​ចុះ​វាស់វែង​ដី​បឹង​ធម្មជាតិ ដែល​ពួកគាត់​ធ្លាប់​ប្រកប​អាជីវកម្ម​ចិញ្ចឹមជីវិត​នោះទេ​។

​តាម​ប្រភព​ដែល​ស្និទ្ធ​នឹង​មេ​ឈ្មួញ ភឺន ផល្លា បាន​ឲ្យ​ដឹងថា ដោយសារ​អាង​មាន​ខ្នងបង្អែក​រឹងមាំ​ទើប​ឈ្មួញ​រូបនេះ​ហ៊ាន​សកម្មភាព​ទន្ទ្រាន​កាន់កាប់​ដីព្រៃ​របស់​រដ្ឋ​ក្នុងស្រុក​ព្រៃនប់ ខេត្ត​ព្រះសីហនុ យ៉ាង​គឃ្លើន​ដោយ​គ្មាន​ញញើត​អ្វី​ឡើយ​។

ប្រភពពី​ប្រជាពលរដ្ឋនៅក្នុង​ស្រុកលើ​ក​ដែក និង​ស្រុក​ស្អាង ខេត្តកណ្ដាល បាន​ឲ្យ​ដឹងថា មេ​ឈ្មួញ ភឺន ផល្លា ដែល​ពាក់​ផ្កាយ​២ មាន​តួនាទី​ជា​មេបញ្ជាការរង​កងពល​តូច​លេខ​៧០ ហើយ​មាន​ងារ​ជា​ឧកញ៉ា​ផង​នោះ នៅតែ​បន្ត​ប្រើ​អំណាច​ទន្ទ្រាន​កាន់កាប់​ដីព្រៃ​លិច​ទឹក​ក្នុង​តំបន់​អតីត​ឡូត៍​នេសាទ​លេខ​៦ និង​ឡូត៍​នេសាទ​លេខ​៥ យ៉ាង​កំរោល​។ ប្រភព​បាន​ឲ្យ​ដឹង​ទៀតថា ការដែល​មេ​ឈ្មួញ ភឺន ផល្លា អាចធ្វើ​អ្វីៗ​បាន​តាម​អំពើ​ចិត្ត គឺ​ដោយសារ​មានការ​ឃុបឃិត​ពី​មន្ត្រី​អាជ្ញាធរ​ថ្នាក់ឃុំ ថ្នាក់ស្រុក ក៏ដូចជា​ប្រធាន​មន្ទីរ​ពាក់ព័ន្ធ​ផងដែរ ក្នុងខណៈដែល​លោក ម៉ៅ ភិ​រុណ អភិបាលខេត្ត​កណ្ដាល រក្សា​ភាព​ស្ងៀមស្ងាត់​។ ការរក្សា​ភាព​ស្ងៀមស្ងាត់​របស់លោក ម៉ៅ ភិ​រុណ អភិបាលខេត្ត​កណ្ដាល ក៏ដូចជា​ប្រធាន​មន្ទីរ​កសិកម្ម​ខេត្តកណ្ដាល និង​លោក វ៉ិ​ត ធា​រិ​ទ្ធ នាយ​ខណ្ឌ​រដ្ឋបាល​ជល​ផល​ខេត្តកណ្ដាល គឺជា​ការ​ទុក​ឲ្យ​មេ​ឈ្មួញ ភឺន ផល្លា ធ្វើ​សកម្មភាព​ទន្ទ្រាន​កាន់កាប់​ដីព្រៃ​លិច​ទឹក​រាប់ពាន់​ហិកតា ​។

​ប្រភព​បាន​ឲ្យ​ដឹង​ទៀតថា មួយរយៈ​ចុងក្រោយ​នេះ​មេ​ឈ្មួញ ភឺន ផល្លា បានធ្វើ​សកម្មភាព​បំពាន​កាន់កាប់​ដីធ្លី​ប្រជាពលរដ្ឋ​ក្នុងស្រុក​ល្វាឯម យ៉ាង​កំរោល​ហើយ​បន្តធ្វើ​សកម្មភាព​ទន្ទ្រាន​កាន់កាប់​ដីព្រៃ​លិច​ទឹក​ក្នុង​តំបន់​អតីត​ឡូត៍​នេសាទ​នៅ​ស្រុក​លើកដែក ស្រុក​ស្អាង និង​ស្រុក​កៀនស្វាយ យ៉ាង​ពេញបន្ទុក ព្រោះ​មានការ​ឃុបឃិត​ជា​ប្រព័ន្ធ​។ ប្រជាពលរដ្ឋ​ក្នុងស្រុក​កៀនស្វាយ ស្រុក​លើកដែក និង​ស្រុក​ស្អាង បាន​អំពាវនាវ​ឲ្យ​ថ្នាក់ដឹកនាំ​ក្រសួងកសិកម្ម ក៏ដូចជា​លោក ម៉ៅ ភិ​រុណ អភិបាលខេត្ត​កណ្ដាល ចាត់វិធានការ​ទប់ស្កាត់​ជាបន្ទាន់​ដើម្បី​កុំ​ឲ្យ​មេ​ឈ្មួញ ភឺន ផល្លា ដែល​អាង​អំណាច​ជា​ឧ​ត្ត​ម​សេនីយ៍​យោធា​និង​មាន​ងារ​ជា​ឧកញ៉ា ហើយ​ធ្វើ​អ្វីៗ​ស្រេច​តែ​អំពើ​ចិត្ត​របស់ខ្លួន​តទៅទៀត​។ ជាពិសេស​ថ្នាក់ដឹកនាំ​ក្រសួងការពារជាតិ ក៏ដូចជា​នាយ​ឧ​ត្ត​ម​សេនីយ៍ វង្ស ពិ​សេន អគ្គមេបញ្ជាការ​នៃ​កងយោធពល​ខេមរភូមិន្ទ មិនគួរ​បណ្ដោយ​ឲ្យ​មេ​ឈ្មួញ ភឺន ផល្លា ដែលជា​មេបញ្ជាការរង​កងពល​តូច​លេខ​៧០ ប្រើ​អំណាច​ធ្វើ​អ្វីៗ​តាម​អំពើ​ចិត្ត។បឋម

 

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts

© 2019 អំណាចខ្មែរ | Amnach Khmer. All rights reserved. XHTML / CSS Valid.