Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

បទល្មើសនេ​សាទកើត​ឡើង​នៅស្រុក​កំពង់ស្វាយ​អាជ្ញាធរពាក់​ពន្ធ័ខេត្ត​កំពង់​ធំអាច​ជាប់​ពាន់ព​ន្ធ័អំពើ​ពុករលួ​យ?

សមត្ថកិច្ច​ពាក់ព័ន្ធ​ក្នុង​ខេត្តកំពង់ធំ  បាន​កត់សម្គាល់ថា ចាប់តាំងពី​លោក  ប៉ែន វណ្ណ​រិ​ទ្ធ ទទួលបាន​ តំណែង​ជា​ប្រធាន​មន្ទី រ​កសិកម្ម​ខេត្តកំពង់ធំ ជំនួស​លោក  ធី​វ វណ្ណ​ធីរ រួចមក​គឺ​បទល្មើស​នេសាទ​ ប្រើ​ឧបករណ៍​ខុសច្បាប់​ ចាប់​ត្រី​ក្នុង​តំ បន់​បឹង​ទន្លេសាប​នៃ​ស្រុក​កំពង់ស្វាយ និង​ស្រុក​ស្ទោង ពុំមាន​ការថយចុះ​ទេ​។ ប្រជា​នេសាទ​នៅក្នុង​ស្រុក​ស្ទោង និង​ស្រុក​កំពង់ស្វាយ បាន​ត្អូញត្អែរថា នៅពេល​ពួកគាត់​ប្រើ​ឧបករណ៍​ស្របច្បាប់​សោះ​បែរជា​មន្ត្រីរដ្ឋបាល​ជល​ផល និង​សមត្ថកិច្ច​ពាក់ព័ន្ធ​ចាត់វិធានការ​បង្ក្រាប​យ៉ាង​កំរោល​បំផុត​។ ប៉ុន្តែ​នៅពេល​ឈ្មួញ​ឈ្មោះ គន និង​ឈ្មួញ​ដទៃទៀត​ប្រើ​ឧបករណ៍​ខុសច្បាប់​ចាប់​ត្រី​ក្នុង​តំបន់​បឹង​ទន្លេសាប នៃ​ស្រុក​កំពង់ស្វាយ និង​ស្រុក​ស្ទោង យ៉ាង​មហន្តរាយ​មិនឃើញ​មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​បង្ក្រាប​ឈ្មួញ​ទាំងនោះ​ទាល់តែសោះ​។ ប្រជា​នេសាទ​ក្នុងស្រុក​កំពង់ស្វាយ បាន​លើកឡើងថា លោក សៅ វណ្ណ​សេរី​វុ​ធ នាយ​សង្កាត់រដ្ឋបាល​ជ​ល​ផល​កំពង់ស្វាយ គឺជា​មេខ្លោង​ធំ​បំផុត​នៅ​ពីក្រោយ​បទល្មើស​នេសាទ​ប្រើ​ឧបករណ៍​ខុសច្បាប់​ដែលមាន​ការកើនឡើង​យ៉ាងគំហុក​

ប្រភពពី​ប្រជាពលរដ្ឋ​រស់នៅ​តំបន់​បឹង​ទន្លេសាប​នៃ​ស្រុក​កំពង់ស្វាយ ខេត្តកំពង់ធំ បាន​ឲ្យ​ដឹងថា បច្ចុប្បន្ន​បទល្មើស​នេសាទ​ប្រើ​ឧបករណ៍​ខុសច្បាប់​កំពុង​កើតឡើង​យ៉ាង​រាលដាល ព្រោះ​មន្ត្រី​ជំនាញ​និង​សមត្ថកិច្ច​ពាក់ព័ន្ធ​គឺជា​អ្នក​ឃុបឃិត​ឲ្យ​មាន​បទល្មើស​នេសាទ​កើតឡើង​ដើម្បី​ផលប្រយោជន៍​ផ្ទាល់ខ្លួន​របស់​ពួកគេ​។ ប្រភព​បាន​ឲ្យ​ដឹង​ទៀតថា លោក សៅ វណ្ណ​សេរី​វុ​ធ នាយ​សង្កាត់រដ្ឋបាល​ជ​ល​ផល​កំពង់ស្វាយ គឺជា​អ្នក​ឃុបឃិត​ឲ្យ​ឈ្មួញ​ឈ្មោះ គន ប្រើ​ឧបករណ៍​ខុសច្បាប់​ចាប់​ត្រី​ក្នុង​រដូវ​បិទ​នេសាទ​យ៉ាង​មហន្តរាយ ដោយ​គ្មាន​ញញើត​អ្វី​ទាំងអស់​។ ចំណែក​លោក សុខ លូ អភិបាលខេត្ត​កំពង់ធំ និង​លោក ប៉ែន វណ្ណ​រិ​ទ្ធ ប្រធាន​មន្ទីរ​កសិកម្ម​ខេត្តកំពង់ធំ នាំគ្នា​សម្ងំស្ងៀម​ធ្វើ​មិនដឹងមិនឮ​អ្វី​ទាំងអស់ បណ្ដោយ​ឲ្យ​បទល្មើស​នេសាទ​ប្រើ​ឧបករណ៍​ខុសច្បាប់​កើតឡើង​យ៉ាង​ពេញបន្ទុក​។

​ប្រភពពី​មន្ត្រី​អាជ្ញាធរ​មូលដ្ឋាន​និង​ប្រជា​នេសាទ​ក្នុង​តំបន់​បឹង​ទន្លេសាប​នៃ​ស្រុក​កំពង់ស្វាយ បាន​ឲ្យ​ដឹង​ទៀតថា នៅពេល​ប្រជាពលរដ្ឋ​ប្រើ​ឧបករណ៍​នេសាទ​ជា​លក្ខណៈ​គ្រួសារ​ដើម្បី​ចិញ្ចឹមជីវិត​ប្រចាំថ្ងៃ គឺ​មន្ត្រីរដ្ឋបាល​ជលផល​និង​សមត្ថកិច្ច​ពាក់ព័ន្ធ​ចាត់វិធានការ​បង្ក្រាប​ដោយ​គ្មាន​ការយោគយល់​នោះទេ​។ ប៉ុន្តែ​នៅពេលដែល​ឈ្មួញ​ឈ្មោះ គន ប្រើ​ឧបករណ៍​ខុសច្បាប់​ច្រើន​ប្រភេទ​ចាប់​ត្រី​ក្នុង​រដូវ​បិទ​នេសាទ បែរជា​មន្ត្រីរដ្ឋបាល​ជ​ល​ផល​និង​សមត្ថកិច្ច​ពាក់ព័ន្ធ​សម្ងំស្ងៀម​ធ្វើ​មិនដឹងមិនឮ​អ្វី​ទាំងអស់​។ ប្រភព​ខ្លះ​បាន​ឲ្យ​ដឹងថា ឈ្មួញ​ឈ្មោះ គន ជា​ប្រភព​ចំណូល​ដ៏​សំខាន់​របស់លោក សៅ វណ្ណ​សេរី​វុ​ធ និង​បក្ខពួក ដូច្នេះហើយ​ទើប​លោក សៅ វណ្ណ​សេរី​វុ​ធ បណ្ដោយ​ឲ្យ​ឈ្មួញ​រូបនេះ​ប្រព្រឹត្ត​បទល្មើស​នេសាទ​យ៉ាង​រាលដាល​តែម្ដង​។ ដូច្នេះហើយ​ទើប​មាន​សេចក្ដីអំពាវនាវ​ឲ្យ​លោក វេ​ង សាខុន រដ្ឋមន្ត្រី​ក្រសួងកសិកម្ម និង​លោក អេង ជា​សាន អគ្គនាយក​រដ្ឋ​បាលជ​ល​ផល ចាត់វិធានការ​ទប់ស្កាត់​បទល្មើស​នេសាទ​ក្នុង​តំបន់​បឹង​ទន្លេសាប​នៃ​ស្រុក​កំពង់ស្វាយ ជាបន្ទាន់​។(មានត)

 

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts

© 2019 អំណាចខ្មែរ | Amnach Khmer. All rights reserved. XHTML / CSS Valid.